సంగారెడ్డి టౌన్, వెలుగు: నూతన రెవెన్యూ చట్టం ఆధారంగా సీఎం రేవంత్రెడ్డి హైదరాబాద్పరిసర ప్రాంతాల్లోని వక్ఫ్ఆస్తులపై శ్వేత పత్రం విడుదల చేయాలని ఎంపీ రఘునందన్రావు అన్నారు. సోమవారం ఆయన సంగారెడ్డి పట్టణంలోని పార్టీ ఆఫీసులో జిల్లా అధ్యక్షురాలు గోదావరి, మాజీ ఎంపీ బీబీ పాటిల్ తో కలిసి మీడియా సమావేశంలో మాట్లాడారు. వక్ఫ్చట్టంపై ముస్లింలలో అపోహలు సృష్టిస్తూ అల్లర్లు రేపే ప్రయత్నాలు జరుగుతున్నాయని మండిపడ్డారు.
హీరాబాద్ నియోజకవర్గంలో సుమారు 12, 892 ఎకరాల పైచిలుకు భూములు వక్ఫ్ ఆస్తులుగా ప్రకటించారని, ముస్లింలు ఆందోళనలు చేసినా న్యాయం జరగలేదని గుర్తు చేశారు. కొండాపూర్ మండలం సైదాపూర్ గ్రామంలోని సర్వే నెంబర్ 78 లో 197 ఎకరాల భూమిని వక్ఫ్ఆస్తిగా గుర్తించారన్నారు. దీంతో సుమారు 200 మంది రైతులు తీవ్ర ఇబ్బందులు ఎదుర్కొంటున్నారని వివరించారు. సమావేశంలో పార్టీ నాయకులు రాజేశ్వరరావు దేశ్పాండే, మాణిక్యరావు, చంద్రశేఖర్, నాగరాజ్ పాల్గొన్నారు.
